MASOMO YA MISA, SEPTEMBA 23, 2018 DOMINIKA YA 25 YA MWAKA B

MASOMO YA MISA, SEPTEMBA 23, 2018
DOMINIKA YA 25 YA MWAKA B

INJILI
Mk. 9:30-37

"Wakatoka huko, wakapita katikati ya Galilaya; naye hakutaka mtu kujua. Kwa sababu alikuwa akiwafundisha wanafunzi wake, akawaambia, Mwana wa Adamu yuaenda kutiwa katika mikono ya watu, nao watamwua; hata akiisha kuuawa, baada ya siku tatu atafufuka. Lakini hawakulifahamu neno lile, wakaogopa kumwuliza.
Wakafika Kapernaumu; hata alipokuwamo nyumbani, akawauliza, Mlishindania nini njiani? Wakanyamaza; kwa maana njia walikuwa wakibishana wao kwa wao, ni nani aliye mkubwa. Akaketi chini, akawaita wale Thenashara akawaambia, Mtu atakaye kuwa wa kwanza atakuwa wa mwisho kuliko wote, na mtumishi wa wote. Akatwaa kitoto, akamweka katikati yao, akamkumbatia, akawaambia, Mtu akimpokea mtoto mmoja wa namna hii kwa jina langu, anipokea mimi, na mtu akinipokea mimi, humpokea, si mimi, bali yeye aliyenituma."

Tafakari fupi!
" atakaye kuwa wa kwanza atakuwa wa mwisho kuliko wote na mtumishi wa wote"
Yesu anawaonya Thenashara wake juu ya ukuu na nani apaswa kuwa mkubwa na kwa mastahili yapi. Anamtaja wa mwisho na mtumishi wa wote ndiyo mkubwa. INJILI ya Leo yatugusa sana upande wa utawala na uongozi. Pasipo kuwa mtumwa wa wengine hakuna upendo. Msingi wa Yesu kumtaja aliye mkubwa kuwa ndiye mdogo unajikita katika upendo na upendo ni maana yake kwa ajili ya wengine na si binafsi. Mitume waliwaza nani atakuwa mkubwa na kukaa wapi hawakuwaza nani atahubiri na kwatumikia maskini wapi. 

Hakika kanisa linapaswa kuwa la chini kabisa yaani nyumba ya maskini na mjane na yatima, kupitia kwako mkristu lazima tujishushe kama kanisa kwa ajili ya dunia yenye mahitaji kadha wa kadha, tujishushe sana kwatumikia wengine na Mungu atatuinua siku ya mwisho. Anayempokea maskini amempokea Yesu na Mungu mwenyewe kwani Maskini tupo nao siku zote ila Yesu ni kwa muda tu.

Mtoto mdogo siku zote hukimbilia msamaha akikosea, hachukii watu kwa muda mrefu, hahesabu uadui, hahesabu hadhi yake bali hucheza na kukaa na mtoto yoyote ajaye kwake. Nasi tukiwa kama watoto ufalme ni wetu. 

Sifa nguvu na utukufu vi nawewe Mungu wetu milele yote. Amia

Kwa jina la Baba, na La Mwana na La Roho Mtakatifu. Amina. 

@katolikiTanzania

Comments

Post a Comment

Popular posts from this blog

Image
Sala kwa Mkatoliki ni nini hasa? Tunaposema sala tunamaanisha nini  Sala ni kuongea na Mungu. Sala kwa Mkatoliki inajumuisha maombi, tafakari, ibada, taamuli, shukrani na sifa. Maana ya sala kwa Mkristo Mkatoliki sio kuomba tuu kama wanavyotafsiri watu wasio wakatoliki. Wengi wa wasio Wakatoliki wanaposema Sala wanamaanisha Maombi. Kwa hiyo kwa Mkatoliki, Sala ni zaidi ya Maombi. Ndiyo maana kwa mkatoliki kuna sala za namna mbalimbali kama vile za Tafakari, za Maombi za Sifa na za kushukuru. Mfano sala ya Atukuzwe Baba sio maombi bali ni sala ya kumtukuza Mungu kwa maana hiyo sio Maombi, ndiyo maana husaliwa baada ya sala au matukio fulani kama ishara ya kumtukuza Mungu na kutambua ukuu wa Mungu Yesu alifundisha tusali vipi? Kisha Yesu akawapa wanafunzi Wake mfano ili kuwaonyesha kuwa yawapasa kuomba pasipo kukata tamaa. 2Akawaambia, “Katika mji mmoja alikuwapo hakimu ambaye hakumwogopa Mungu wala kumjali mtu. 3Katika mji huo alikuwako mjane mmoja ambaye alikuwa ak...
Read more

Biblia ni nini? Asili, Historia, waandishi na mipaka yake

  Biblia ni nini? Asili, Historia, waandishi na mipaka yake asili   biblia   kanisa   katoliki   madhehebu   mapokeo   mitume roho_mtakatifu   visakramenti   watakatifu Biblia ni mkusanyiko wa vitabu mbalimbali vinavyohusu kazi ya Mungu ya kuwakomboa mwanadamu Je, Biblia ilipatikanaje? Nini chanzo na asili ya Biblia. Biblia iliundwa kwa kukusanya vitabu vya dini vya wakristo hapo awali na kuunda kitabu kimoja. Kwa maana hii ni kwamba Biblia ni vitabu teule vya dini na hivyo vipo vitabu vingine vya dini ambavyo havikuwekwa Kwenye Biblia. Kwa hiyo basi Wakristo wa kwanza walichagua vitabu kadhaa na kuviweka pamoja na kisha kuvita Biblia. Biblia ni mkusanyiko wa vitabu muhimu tuu vya dini mpaka kufikia Enzi za Mitume. Je, Biblia ndicho kitabu pekee cha neno la Mungu? Hapana, Biblia sio kitabu pekee cha neno la Mungu isipokua Biblia ni kitabu kilichoidhinishwa rasmi kutumika Kama kitabu kikuu cha Wakristo. Hii ni kwa sababu Biblia imeundwa ...
Read more

HISTORIA YA HAYATI BABA WA TAIFA MWL. JULIUS NYERERE

Image
(Hayati Mwl. Julius K. Nyerere) Mwalimu Julius Kambarage Nyerere alikuwa raisi wa kwanza wa Tanzania, alizaliwa Butiama mkoani Mara mnamo tarehe 13 April 1922 na alifariki dunia 14 Oktoba 1999. Alikuwa mojawapo kati watoto 26 wa Nyerere Burito, chifu wa kabila la Wazanaki. Alipokuwa mtoto Nyerere alichunga mifugo ya babake; katika umri wa miaka 12 aliingia shule akitembea kilomita 30 hadi Musoma. Baada ya kumaliza shule ya msingi aliendelea kusom a shule ya wamisionari Wakatoliki huko Tabora. Katika umri wa miaka 20 alibatizwa akawa mkristo Mkatoliki hadi mwisho wa maisha yake. (Mama Maria Nyerere, mke wa Hayati baba wa Taifa) Mapadre wakaona akili yake wakamsaidia kusoma ualimu huko Makerere, Kampala, Uganda kuanzia 1943 - 1945. Makerere akaanzisha tawi la Umoja wa wanafunzi Watanganyika pia amejihusisha na tawi la Tanganyika African Association (TAA). Baada ya kumaliza masomo ya ualimu alirudi Tabora akifundisha shule ya St.Mary´s. Mwaka 1949 alipata skolashipu ya kwenda kusoma ...
Read more